بعض علماء  کا خیال ہے کہ موسیٰ  ’شریعت‘ اور ایلیاہ ’انبیاء‘ کی نمائندگی کرتا ہے، اوردونوں مل کر پورے عہدِ عتیق کی نمائندگی کرتے ہیں۔ لیکن دیگر علما  کے مطابق موسیٰ اور ایلیاہ،  پرانے عہد نامے میں معجزات کے دو بڑے اَدوار کی نمائندگی کرتے ہیں۔ مگر میرا ماننا ہے کہ  موسیٰ اور ایلیاہ وہ دو شخصیات ہیں جنہوں نے کوہِ سینا پر خداوند سے ملاقات کی تھی۔ اِس لئے نہایت موزوں تھا کہ وہ یسوع کی ’صورت بدل جانے‘ کے وقت اُن سے ملاقات کریں،  اور اُس کی مسیحانہ   شناخت کی تصدیق کریں۔  فضل سے ہمارے لئے تیار کر رہا ہے۔  

خدا کی منکشف مرضی یہ ہے کہ  اُس کے فرزند پاکیزگی میں اُس کی مانند بنیں۔  اُس نے اپنی پروردگاری اِس طرح ترتیب دی کہ وہ ہمیں اپنی پاکیزگی عطا کرے ، اور ہم اُس میں بڑھنے اور نشوونما پانے کے قابل بنیں۔ خدا اپنی پروردگاری میں ہمیں یسوع مسیح پر ایمان   لانے کی طرف  مائل کرتا اور  ہمارے گناہوں پر تنبیہ کرتا ہے تاکہ ہم اُس کی پاکیزگی میں شامل ہو سکیں۔

بائبل مقدس واضح طور پر بیان کرتی ہے کہ ہم اِس دُنیا، اپنے بدن اوراِبلیس کی جانب سے بڑی آزمائشوں کا سامنا  کرتے ہیں، کیوں کہ یہ تینوں ہمارے   بڑے دُشمن ہیں۔   

جب داؤد سلطنت کے تخت پر براجمان تھا،  تو خدا  نے براہِ راست اُس کے ساتھ ایک اَور وعدہ کیا۔  یہ وعدہ بھی ایک آنے والے بیٹے کے بارے میں تھا۔  خُدا نے فرمایا کہ داؤد کا بیٹا ہمیشہ بادشاہ رہے گا اور اُس کی بادشاہی کا کبھی خاتمہ نہ ہوگا۔   یہی خُدا کا وعدہ تھا۔

 جب ہم  عشائے ربانی میں شامل ہونے کے لیے جمع ہوتے ہیں تو  یہ ہمیں بدن کی یگانگت کی یاد دِلاتا اور ہمیں ترغیب دیتا ہے کہ ہم مسیح میں اپنے بھائیوں اور بہنوں کے بوجھ  اُٹھانےکے لئے اپنی بھرپور شفقت اور کوشش   کااِستعمال کریں۔

یسوع کی کامل محبت کے سبب سے ہم اپنے منقسم دِلوں کے ساتھ اُس کے پاس آ سکتے ہیں اور اُس میں کاملِ ہو  سکتے ہیں۔   اُس کا دِل کبھی تقسیم نہیں ہوتا،  جب ہم اپنے گناہوں میں مردہ تھے  تو اُس نے ہمیں اپنی زِندگی بخشی،  جب ہم اُس کے دُشمن تھے  تو  اُس نے ہمارے ساتھ صلح کی  اور ہمیں اپنا دوست کہا۔  کیا ہی عجیب فضل ہے!

خُدا کے کچھ نہایت پیچیدہ اور دُکھ دینے والے فیصلے اُس وقت تک  پوشیدہ رکھنا ضروری ہیں جب تک کہ ہمارے جلالی ذہن اُن سچائیوں کو سنبھالنے کے قابل نہ ہو جائیں۔  لیکن خُدا کا منصوبہ آگے چل کر اَور زیادہ ظاہر کیا جائے گا، اور وہ شاندار جلال سے منور ہوگا۔