تم پھر سے پیدا ہونے سے کیا مُراد ہے؟

جب یسوع نے نیکدیمس سے کہا، ”تجھے نئے سرے سے پیدا ہونا ضرور ہے“، تو نیکدیمس نے حیرت سے پوچھا، ”یہ کیونکر ہو سکتا ہے؟“ تقریباً دو ہزار برس گزر جانے کے بعد بھی لوگ عموماً ”نئے سرے سے پیدا ہونے“ کی اصطلاح کے بارے میں ابہام کا شکار ہیں، اگرچہ پہلے سے کہیں زیادہ لوگ یہ دعویٰ کرتے ہیں کہ اُنہوں نے اس کا تجربہ کیا ہے۔

اس کتابچے میں ڈاکٹر آر۔ سی۔ سپرول بڑی وضاحت کے ساتھ اس ابہام کو دور کرتے اور نہایت احتیاط سے بیان کرتے ہیں کہ نئے سرے سے پیدا ہونے کا مفہوم کیا ہے۔ وہ بائبل کی تعلیمِ تجدیدِ حیات کی تشریح کرتے ہیں کہ نیا جنم نجات کے لیے ازحد ضروری ہے، نیز یہ بھی ظاہر کرتے ہیں کہ نئے سرے سے پیدا ہونا ہمارے دلوں میں خدا کا حاکمانہ عمل ہے۔

ڈاکٹر آر۔ سی۔ سپرول کا ”اہم سوالات“ کے عنوان سے کتابچوں کا یہ سلسلہ اُن سوالات کے مختصر اور جامع جوابات فراہم کرتا ہے جو اکثر مسیحیوں اور تشکیک کرنے والوں کی جانب سے اٹھائے جاتے ہیں۔