جب  میں  اپنے  آپ  کو  لاچار  و  بے  بس    محسوس  کرتا  ہوں  

جب  میں  آئر  لینڈ  میں  نشوونما  پا  رہا  تھا  ،  تو  ہمارے  حصے  میں  بارش  سے  بھری  بُدھ  کی  دوپہریں  کچھ  زیادہ  ہی  آتی  تھیں  ۔ہفتوں  کے  درمیان  محصُور  ،اور  شام  کو  ڈھیر  سارے      ہوم  ورک    کے  ساتھ  ،مُجھے  یاد  ہے  کہ  میں  سکول  سے  واپس  آتے  ہوئے  بھیگی  ہوئی  ،  ہلکی  بارش  میں  آہستہ  آہستہ  پاوٴں  گھسیٹتے  ہوئے    چلتا  تھا  ۔کتابوں  کے  بوجھ  سے  دَبا  ہوا  ،  جن  کے  صفحات  نَمی  سے  سکڑ  چکے  تھے  ،اور  جرابیں  پانی  سے  اس  قدر  شرابور  تھیں  کہ    ٹخنوں  سے  پانی  اندر  داخل  ہوتا       اور  انگلیوں  سے  باہر  نکلتا    تھا  ،  میں  اُس  وقت  ایسا  خوش  تھا  جیسے  کوئی  بلی  نہاتے  وقت  ہو  (  اگرچہ  میں  اتنا  غضب  ناک  نہیں  تھا  )۔

رُوح  بھی  اپنی  بارش  سے  بھری  بُدھ  کی  دوپہروں  کو  جانتی  ہے  ۔ہم  سب  مُصرف  بیٹے  ہیں  ،  جو  آدم  کے  گُناہ  کے  انتخاب  کی  وجہ  سے  تباہی  کا  شکار  دنیا  میں  سے  گزر  کر  واپس  گھر  جا  رہے  ہیں  ۔برگشتگی  ہر  خوشی  کو  ماند  کر  دیتی  ہے  ۔جُرم  ،  شرمندگی  اور  پچھتاوے  کے  بھاری  بوجھ  ہمارے  کندھوں  کو  چھیدتے    ہیں  ۔اندر  کا    خوف  اور  باہر  کی  مُصیبتیں    کالی  گھٹا  کی  طرح  چھائی  ہوئی  ہیں  ۔ہم  ایک  خوش  آمدید  کہنے  والے  باپ  کے  دوڑتے  قدموں  کی  آہٹ  سُننے  ،اُس  کے  مضبوط  بازوں  کے  لیے  جو  ہمیں  اپنی  پناہ  میں  لے  لیں  ،اور  اُس  کے  گرم  اور  نمکین  آنسو  جو  ہمیں  جو  ہمارے  گالوں  پر  بہتے  ہیں،  کے  لیے      ترستے  ہیں۔  لیکن  ناکام  آرزوئیں  ہماری  مستقل  ساتھی  بنی  رہتی  ہیں  ۔ہمارے  بہترین  لمحات  میں  ہمیشہ  خلل  پڑتا  ہے  ،اور  جیسے  ہفتہ  کے  درمیان  میں  پڑھنے  والے  لڑکے  کو  ہفتہ  وار  تعطیل  بہت  دُور  محسوس  ہوتی  ہے  ،  ویسے  ہی  بہشت  بھی  اتنی  دُور  محسوس  ہوتی  ہے    گویا  ہمیشہ  کے  لیے  دُور  ہو  ۔

ان  لمحات  کی  بد  ترین  بات  یہ  ہے  کہ  اکثر  ان  کی  کوئی  واضح  وجہ  سمجھ  نہیں  آتی  ۔کوئی  خاص  گُناہ  ،  ناکامی  یا  خطا  ،  مجرم  کے  طور  پر  نمایاں  نہیں  ہوتی  ۔ہم  بے  چینی    محسوس  کرتے  ہیں  اور  نہیں  جانتے  کیوں  (زبور  ۴۲:    ۵)۔اِس  دُور  دراز  ملک  میں  ،  ہم  آسانی  سے  اُن  تاریک  نظریات  کا  شکار  ہو  جاتے  ہیں  جو  صرف  احساسات  پر  مبنی  ہیں  ۔ایک  مایوس  کُن  ناگزیر  سوچ    جنم  لیتی  ہے  :  کیونکہ  ہمیں  خُدا  بولتا  ہوا  محسوس  نہیں  ہوتا  ،  اِس  لیے  ہم  بائبل  پڑھنا  چھوڑ  دیتے  ہیں  ۔چونکہ  ہمیں  خُدا  سُنتا  ہوا  محسوس  نہیں  ہوتا  ۔  اس  لیے  ہم  دُعا  کرنا  چھوڑ  دیتے  ہیں  ۔کاہلی  /  جمُود  ہر  چیز  کو  دَبا  دیتے  ہیں  ؛  ہم  کہیں  بھی  نہیں  پہنچ  پاتے  ۔  پھر  کیا  کیا  جائے؟

پہلی  بات  یہ  یاد  رکھیں  کہ  آپ  اکیلے  نہیں  ہیں  ۔خُدا  کے  تمام  فرزند  پہلے  بھی  ان  راستوں  پر  چل  چکے  ہیں  ۔ زبور  نویس  کتنی  بار  خود  کو    اکیلے  محسوس  کرتے  تھے   ،  لیکن  پھر  بھی  وُہ  زبوروں  میں  خُدا  کی  طرف  رجُوع  کرتے  رہے۔داوٴد  نے  فریاد  کی  :  "اَے  خُداوند  کب  تک  ؟  کیا  تو  ہمیشہ  مُجھے  بھُولا  رہے  گا  ؟”(زبور  ۱۳:  ۱)۔بنی  قورح  نے  دریافت  کیا  :”اَے  میری  جان  !  تُو  کیوں  گِری  جاتی  ہے  ؟  تُو  اندر  ہی  اندر  کیوں  بے  چین  ہے؟”(زبور  ۴۲:    ۵)۔یہ  مقدسین  خُداوند  کے  حضور  آتے  تھے  اور  پوچھتے  تھے  کہ  خُداوند  کب  تک  اپنا  چہرہ  اُن  سے  پوشیدہ  رکھے  گا  ۔یہاں  ایک  سبق  ہے  :نیک  لوگ  اکثر   خود  کو   اپنے  اصل    حال  سے  کہیں  زیادہ  گنہگار     محسوس  کرتے  ہیں ۔وُہ  تاریک  مایوسی  کے  لمحات  سے  آغاز  کرتے  ہیں  ،  لیکن  اُن  کا  انجام  وہاں  نہیں  ہوتا  ۔جب  زبور  نویس  دَرد  میں  کراہتے  ہیں  تو  اُن  کے  دلوں  سے  کلام  مقدس  جاری  ہونے  لگتا  ہے  ۔  تاریکی  میں  ،  تَرک  کیے  جانے  کے  احساس  کے  نیچے  ،  خُدا  پھر  بھی  موجود  ہوتا  ہے  ،  اُنہیں  الفاظ  عطا  کرتا  ہے  ،خُدا  کی  طرف  رجُوع  کرنے  میں  اُن  کی  مدد  کرتا  ہے  ،اور  یوں  بائبل  مقدس  کے  الہام  کا  باعث  بنتا  ہے  ۔یہوواہ  ہمیشہ  ہماری  سوچ  سے  زیادہ  ہمارے  قریب  ہوتا  ہے  ۔

دوسرا  یہ  کہ  خُداوند  سے  التجا  کریں  کہ  وُہ  آپ  کے  اندر  کسی  بھی  ایسی    تکلیف  دہ  /  بُری  روش  کو  جانچے  جو  اُس  (خُدا)  کے  ساتھ  آپ  کی  رفاقت  میں  رکاوٹ  بن  رہی  ہو(زبور  ۱۳۹:    ۲۴)۔رَنج  و  غم  کی  جڑیں  آدم  کے  اُس  تلخ  فیصلے  تک  جا  پہنچتی  ہیں  (  بائبل  مقدس  میں  رَنج  و  غم  ،  مشقت  ،اور  دَرد  عبرانی  زبان  کے      باہم  مربوط  الفاظ  ہیں؛  پیدایش  ۳:  ۱٦-۱۷)۔باغ  عد  ن  میں  ہمارے  پہلے  والدین  نے  خُداوند  سے  ہٹ  کر  بہتر  زندگی  حاصل  کرنے  کی  خاندانی  روایت  شروع  کی  ۔قبرستانوں    سے  بھری  ہوئی  یہ  دنیا  اُس  کی  کامیابی  کی  حقیقی  کہانی  بیان  کرتی  ہے  ۔  لیکن  نا  اُمید  نہ  ہو  ں  :    کیونکہ  اُس  نیک    طبیب  نے  اپنی    جان  قربان  کی  تاکہ  ایسی  خُدا  سے  بغاوت  کرنے  والی  خواہشوں  کے  ”  چاہنے  ”  اور  ”  کرنے”  دونوں  کو  تم  سے  دُور  کر  دے  (فلپیوں  ۲:    ۱۲  -۱۳)۔

تیسرا  یہ  کہ  اپنے  آپ  کو  پرکھیں  :    کیا  آپ  خُدا  کی  پروردگاری  سے  مطمعن  ہیں  ؟اُس  خُدا  کے  نزدیک  آنا  دشوار  ہے  جس    کے  خلاف  تیرے  دل  میں  پوشیدہ  ناراضگی  ہو  ۔ناپسندیدہ  بوجھ  دُعا  کے  رفیق  ثابت  ہو  سکتے  ہیں  ،  وُہ  ہماری  آرزو  کو  بیدار  کرتے  اور  ہمیں  خُدا  کے  قریب  لے  آتے  ہیں  (زبور  ۵۵:    ۲۲)۔لیکن  اگر  ہم  اِس  بوجھ  کو  پکڑے  رکھنے  کو  ترجیح  دیں  ،  تو  وُہ  دُعا  کے  خلوت  خانے  کو  اُن  بڑے  مگر  اَن  کہے  بوجھوں  سے  بھر  دیتے  ہیں  جو  کمرے  میں  موجود  ہاتھیوں  کی  مانند  نظر  انداز  نہیں  کیے  جا  سکتے  اور  یوں  خُدا  کے  نزدیک  آنے  کی  ہماری  خواہش  ماند  پڑ  جاتی  ہے  ۔خُدا  کے  ساتھ  وفا  دار  رہیں  ؛وُہ  آپ  کے  ہر  اُس    بوجھ  کو  اُٹھانے  کی  قدرت  رکھتا  ہے  جو  آپ  اُس  کے  سپُرد  کرتے  ہیں    ۔

اپنے  ہر  دُکھ  اور  رنج  کے  پیچھے  خُداوند  کے  ہاتھ  کو  پہچان  لینا  ،  رُوح  کو  بڑی  تسلی  بخشتا  ہے  ۔    وُہ  سب  تلاطُم  لہریں  جو  ہمیں  ڈبو  دیتی  ہیں  ،  اُسی  کی  ملکیت  ہیں  (زبور  ۴۲:  ۷)۔ہر  مشکل  میں  اصل  کار  فرما  وہی  ہے  (زبور  ٦٦:  ۱۰-۱۲)۔تاہم  ،  پھر  بھی  ،  خُدا  وند  ہمارے  ساتھ  ہے  ۔اپنی  خودی  سے  اِنکار  اور  خُدا  کی  مرضی  کے  تابع  ہو نا  ،  ایمان  کی  زندگی  کا    وُہ  پہلا   اور  آخری  سبق  ہے  جو  سیکھنا  لازم  ہے  ۔لیکن  جان  نیوٹن  درست  کہتا  تھا  کہ  بہت  کم  لوگ  ہیں  جو  یہ  سبق  سیکھنے  کے  لیے  آمادہ    ہوتے  ہیں  ”  جب  تک  کہ  وُہ  کچھ  عرصہ  تک  نا  اُمیدی  کی  درسگاہ  میں  تربیت  نہ  پائیں  ۔”

اگر  تاریکی  دُور  نہ  ہو  تو  کیا  ہو  ؟  اکثر  ،  اوپر  اُٹھنے  کا  بہترین  راستہ  یہ  ہے  کہ  خُدا  پر  بھروسا  کیا  جائے  اور  اُس  کی  فرمانبرداری  کی  جائے  ۔ایوب  کے  صبر  پر  غور  کریں  (ایوب۲۳:    ۸-۱۲)۔دیکھیں  ،  کہ  وُہ  کیسے  شدید  تاریکی میں  سے    ،  حیرانی  و  پریشانی  کی  حالت  سے(آیات  ۸-۹)  پختہ  یقین  (آیت  نمبر۱۰)  اور  پھر  تقدیس(آیت  نمبر  ۱۱-۱۲)  کی  طرف  آگے  بڑھتا  ہے  ۔اِس  برگشتہ  دنیا  میں  ،  ایوب  پر  یہ  حقیقت  آشکارا  ہوتی  ہے  کہ  وُہ  الٰہی  سچائیوں    کو  ہمیشہ  اپنے  اِحساسات    سے  کہیں    بڑھ  کر   جانے  گا  ۔ایمان  اِس  خلیج  پر  پُل  کا  کام  کرتا  ہے  ،اور  اُسے  ایسی  حقیقت  تک  لے  جاتا  ہے  جہاں  تک  احساسات  کا  ہاتھ  نہیں  پہنچ  سکتا  (  عبرانیوں  ۱۱:  ۱)۔

"لیکن  وُہ  اُس  راستہ  کو  جس  پر  میں  چلتا  ہوں  جانتا  ہے  ۔  جب  وُہ  مُجھے  تالیگا  تو  میں  سونے  کی  مانند  نکل  آوٴنگا  ۔”(ایوب  ۲۳:    ۱۰)۔اِس  سفر  کے  لیے  ایمان  کے  پاس  ایک  ایسی  ضمانت  ہے    جو  ہمارے  ہولنا  ک  ترین  اندیشوں  پر  غالب  ہے  ،  اِس  لیے  ہم  اُس  سے  وابستہ  رہتے  ہیں  ،  کیونکہ  وُہ  خود  ہمیں  تھامے  ہوئے  ہے  (آیات  ۱۱-۱۲)۔جس  طرح  سے  ایک  ٹیریئر  کتا  اپنے  کھلونے  کو  مضبوطی  سے  پکڑے  رکھتا  ہے  ،  اُسی  طرح  ایوب  اس  سچائی  کو  پوری  طاقت  سے  تھامے  رکھتا  ہے  ۔وُہ  خُدا  کو  تھامے  ہوئے  اپنے  ہاتھوں  کو  محسوس  تو  نہیں  کر  پاتا  ،لیکن  ایمان  ایک  ایسے  زور  آور  ہاتھ  کو  دیکھ  لیتا  ہے  جس  نے  اُسے  تھام  رکھا  ہے  ،  ایک  ایسا  ہاتھ  جو  اُسے  کبھی  نہیں  چھوڑے  گا  ۔

آخر  کار  ،  بارش  بھری  بُدھ  کی  دوپہروں  میں  سب  سے  اہم  سوال  یہ  نہیں  کہ”  میں  کیا  محسوس  کرتا  ہوں  "؟  بلکہ  یہ  ہے  کہ  ”  میں  کیا  جانتا  ہوں  ؟”

یہ مضمون سب سے پہلے لیگنئیر منسٹریز کے بلاگ میں شائع ہو چکا ہے۔